Ноябрь башында Казан шәһәре Мәскәү районы Ш.Мәрҗани исемендәге 2 нче татар гимназиясендә Татарстан Республикасы мәгариф һәм фән министрлыгы, Казан шәһәре мәгариф идарәсе планнары нигезендә һәм 2014-2020 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын тормышка ашыру, республика мәктәпләрендә тел, әдәбият өлкәсендә сәләтле балаларны барлау, укучыларда фәнни-эзләнү, тикшеренү күнекмәләре формалаштыру, туган якка мәхәббәт тәрбияләү, туган телгә, тарихка кызыксыну уяту максатыннан гомуми белем оешмалары укучылары өчен Россия Федерациясе халыклары телләрендә III төбәкара фәнни-гамәли конференция һәм укулар үткәрелде. Агымдагы елда конференциядә катнашу өчен республикабыз районнары һәм Рәсәй төбәкләре укучыларыннан барлыгы 598 фәнни эш кабул ителде. Бу укуларда Татарстан Республикасы мәктәпләрендә белем алучылар белән беррәттән Башкортостан, Удмуртия, Чувашия, Марий Эл, Мордва республикаларыннан, Ульяновск, Пенза, Чиләбе өлкәләреннән укучылар катнашты.

30 нчы сентябрь көнне Казан шәһәре мәгариф идарәсенең мәгьлүмати –методик бүлегендә фәннәрне татарча укыта торган педагогларның беренче тапкыр методик берләшмәсе утырышы үткәрелде. Утырышны Казан шәһәре мәгариф идарәсенең мәгьлүмати–методик бүлек методисты Р.К.Зиннәтуллин ачты һәм “Милли мәгариф алдында торган бурычлар” дигән темага чыгыш ясады.
Казан шәһәре мәгариф идарәсенең мәгьлүмати–методик бүлек методисты С.А.Борисова Татарстан Республикасында Милли мәгарифне үстерү концепциясе, аның төп юнәлешләре, милли мәгариф үсешенә тискәре йогынты ясаучы факторлар һәм көтелгән нәтиҗәләр белән таныштырды.
Совет районы 11 татар гимназиясенең тарих һәм җәмгыять белеме укытучысы Р.Ә.Бариева, Мәскәү районы Г.Ибраһимов исемендәге 17 нче татар гимназиясенең география укытучысы З.Н. Сәйфуллина “Фәннәрне татарча укыту тәҗрибәсеннән” дигән темага утырышта чыгыш ясадылар.Чыгышларда милли мәгариф алдында торган проблемалар яктыртылды. Чыгарылыш бердәм дәүләт имтиханнарының рус телендә булуы, оптимизация вакытында төрле мәктәп укучыларының кушып укытылуы сәбәпле, мөгаллимнәр дәресләрне ике телдә укытырга мәҗбүрләр. ФДББС буенча дәреслекләр җитмәве дә милли мәгариф үсешенә тискәре йогыныты ясый.

Татар телен өйрәтүдә уен элементлары
Балаларның бай рухлы, сау- сәламәт булып үсүендә уеннарның әһәмияте зур. Өлкәннәргә эштән бушаган вакытларда күңел ачу, ял итү, вакыт уздыру чарасы булса, бала өчен “уен – чын шөгыльгә, тормыш көрәшенә һәм хезмәткә әзерләнү ул”.
Уеннарның эчтәлегенә күз салсаң, аларның тормыш – көнкүрешнең һәм хезмәт төрләренең бер чагылышы икәненә ышанасың.
Уен дигәннән, кешелек җәмгыятенең үсеш дәверендә хезмәт формаларын чагылдыру рәвешендә барлыкка килгән, яшь буынны физик һәм әхлакый, эстетик яктан тәрбияләү вазыйфасын һәм шулай ук олылар өчен күңел ачу, вакыт үткәрү һәм көнкүрештә берәр эш-шөгыльне, йоланы үтәү вазыйфасын башкаруы мавыктыргыч чаралар системасын аңлыйбыз.

5 нче февральдән 18 февральгә кадәр районда җиңгән татар теле һәм әдәбият укытучылары шәһәр күләмендә үз осталыкларын күрсәттеләр. “Татар теле һәм әдәбият укытучысы” номинациясендә Миндубаева Р.Ф., (Авиатөзелеш районының 14 нче гиназиясе), Хайруллина А.Р., (Яңа Савин районының 71 нче мәктәбе), Исмәгыйлова М.Р., (Идел буе районының 10 нчы мәктәбе), Салихова С.М., (Вахитов районының 39 нчы мәктәбе), Садыйкова Р.Г., (Киров районының 4 нче гиназия-интернаты), Садыйкова Г.С., (Киров районының 3 нче гиназиясе), Ваганова А.И., (Совет райноының 8 нче гимназиясе), Әхтәмова Г.М., (Совет районының 175 нче мәктәбе) катнаштылар. Укытучылар интернетта үзләренең шәхси сайтларында эш тәҗрибәсен,”Үткәнебез белән горурланабыз, киләчәкне төзибез” темасына язылган эссене жюрига тәкъдим иттеләр. Һәр укытучы үзенең педагогик лаборатриясе буенча чыгыш ясады. Сингапур белем бирү структураларын кулланып, федераль дәүләт белем бирү стандартларына туры китереп, дәрес һәм төрле технологияләр кулланып, мастер-класс күрсәттеләр.
Бәйге Киров районының 4 нче гимназия бинасында югары әзерлек белән үтте (директоры Вахитова И.А.).

“Инновацион технологияләр аша укучыларның иҗади фикерләү сәләтен үстерү”

Бүгенге көндә туган телебезне саклау, өйрәнү һәм үстерү өчен шактый күп әһәмиятле эшләр эшләнә: татар теле Татарстанда яшәүче барлык милләт балаларына да укытыла, татар телендәге матбугат материаллары, интернет, радио-телевидение тапшырулары күпкә арттырылды, туган телдә бик күп чаралар уздырыла. Татар теленең абруе зур. Әмма телебезнең бүгенге халәте, киләчәк язмышы тынычланып яшәрлек түгел
Татар теле һәм әдәбияты укытучысы буларак, мин укучыларымны укуга җәлеп итәргә, туган телебезгә өйрәтергә, үземнең укыту системасын камилләштерергә омтылам. Бүгенге тормыш бездән берничә телне белгән шәхес формалаштыруны таләп итә.
Методик темамны да шуны исәптә тотып билгеләдем. “Инновацион технологияләр аша укучыларның иҗади фикерләү сәләтен үстерү”
Түбәндәге бурычларны үзалдыма куйдым:
1. Укучыларны үз фикерләрен татар телендә дөрес һәм матур итеп эйтеп бирә белергә өйрәтү;
2. Укучыларның иҗади көчен, танып- белү сәләтләрен үстерү һәм мөстәкыйль эшләү күнекмәләрен булдыру;
3. Хезмәттәшлек нигезендә төрле яклап камил, иҗади үсешкә сәләтле, компетентлы, тормышка әзерлекле шәхес тәрбияләү.

Бала тәрбияләүдә һәм җәмгыять үсешендә гаиләнең тоткан урыны.

Һәр ата-ана үз баласының бәхетле булуын тели. Тик баланы һәркем үзенчә ярата, үзенчә тәрбияли. Ләкин аны ярату гына җитәме? Киләчәктә ул нинди кеше булып үсәр? Холык-фигыле, кешеләргә мөнәсәбәте, кылган эшләре белән горурлана алырмы? Менә шулар хакында, без, ата-аналар вакытында уйланабыз микән?
Билгеле булганча, әхлак тәрбиясенә нигез гаиләдә салына. Ата-ана үз хезмәтен яратамы? Алар баш¬ка кешеләр турында ниндирәк фикердә? Болар берсе дә бала игътибарыннан читтә калмый. Шу¬лар йогынтысында акрынлап баланың дөньяга үз карашы формалаша.
Әлбәттә, балаларга күркәм сыйфатлар үзеннән-үзе генә килми. Матур гадәтләр яшьтән үк ныгы¬сын өчен ата-анага зур көч, тырышлык куярга кирәк. Шуңа күрә бала үстерүче һәр кеше тәр¬бияче булырга бурычлы. Тормыш үзе шуны таләп итә.
Бер акыл иясе, тәрбияче үзе тәрбияле булыр¬га тиеш, дигән. Ә ата-ана — үз баласы өчен иң беренче тәрбияче ул.

Мин - Казан шәһәре Совет районының 8нче гимназиясенең татар теле һәм әдәбияты укытучысы Ваганова Альбина Илсур кызы "ФДБСын тормышка ашыру шартларында иҗади фикерләүче шәхес формалаштыру" темасына эш тәҗрибәмне уртаклашам.

Адәм баласының табигате шундый: ул гел язны көтә.Бала вакытта, гөрләвекләр акканына сокланып, көймәләр йөздерер өчен; үсмервакытта тирә-якны ныклап өйрәнер өчен; яшьлектә серле төннәре өчен; олыгайгач, яшьлеген искә төшерү өчен-кеше язны сагына. Ә мин үземне белгәннән бирле ашкынып көзне көтәм. Бала чакта бу хис минем күңелемә әти-әнием аша күчкәндер. Август ае башында ук алар өйгә ниндидер минем өчен әле сәер булган әйберләр алып кайта башлыйлар.Ул зур тупка охшаган зәңгәр глобус; әллә нинди сызыклар, рәсемнәр белән чуарланган зур-зур кәгазь төргәкләр, папкалар, китаплар...Ә сентябрь аенда бу әйберләр кире мәктәпкә күчә. Мин үскән йортта, киемнәремә мәктәп исе сеңгән булса, күңелемдә мәктәпнең мәртәбәле укытучылары булган әтием һәм әнием аша укытучы булу хыялы яшәгәндер.
Студент еллары артта калды...Мин инде көзне бала вакыттагы кызыксыну белән түгел, ә укучыларым белән очрашып,җәй буе җыелган уйларымны алар белән уртаклашу өчен, узган елгы эшләремнең нәтиҗәсен күрү өчен көтәм.

ТАТАР ТЕЛЕ ДӘРЕСЛӘРЕНДӘ ИНТЕРНЕТ-РЕСУРСЛАРНЫ КУЛЛАНУ