Тема выступления: «ВОСПИТАНИЕ ТОЛЕРАНТНОСТИ у ВОСПИТАННИКОВ ВОКАЛЬНОГО КОЛЛЕКТИВА».

В последние годы в российском обществе происходят существенные социально-экономические и политические преобразования. Социальная трансформация общества протекает в достаточно сложных условиях. Мир становится теснее и начинает претерпевать фундаментальные изменения в процессе развития. В связи с этим сформировались новые требования к системе образования и воспитания учащихся, перед нами встала важнейшая задача воспитания толерантности у учащихся.
Основной целью воспитания толерантности – воспитание в подрастающем поколении потребности и готовности к конструктивному взаимодействию с людьми и группами людей независимо от их национальной, социальной, религиозной принадлежности, взглядов, мировоззрения, стилей мышления и поведения.
Воспитание у детей и подростков миролюбия, принятия и понимания других людей, умение позитивно с ними взаимодействовать
*формирование негативного отношения к насилию и агрессии в любой форме;
*формирование уважения и признания к себе и к людям, к их культуре;
*развитие способности к межнациональному и межрелигиозному взаимодействию;

Казан шәһәре Совет районының 90 нчы татар гимназиясендә “Гимназиядә белем бирү сыйфатын үстерү нигезе буларак татар теле һәм әдәбияты дәресләрендә укучыларның эшчәнлеген оештыру “ дигән темага семинар үтте. Семинарга шәһәр татар теле һәм әдәбияты укытучыларның мәктәп методик берләшмәсе җитәкчеләре һәм шәһәр методик берләшмәсе әгъзалары чакырылган иде. Гимназия директоры Г.Д.Закирҗанова һәм аның урынбасары Э.М. Сәлахова педагогик коллективның укыту һәм тәрбия процессында яңа педагогик технологияләр кулланып эшләү һәм ФДББС ны гамәлгә ашыру шартларында укучылар эшчәнлеген оештыру тәҗрибәсе белән уртаклаштылар.
Гимназиянең татар теле һәм әдәбияты укытучылары ( Ф.Ш. Вәлиуллина, Р.Н. Йосыпова, Л.Р. Нәсипова, Л.З. Ибраһимова) үткәргән дәресләрдә укучылар эшчәнлеген оештыруның төрле алымнары белән танышырга мөмкин иде. Татар теле һәм әләбияты укытучылары Г.Р.Габделхакова, Я.Г. Хәлиуллинаның “Универсаль уку гамәлләрен кулланып, лирик әсәргә анализ ясау үзенчәлекләре” дигән темага уздырылган мастер-классы, дәресләр кебек үк, югары бәя алды.

Татар теле һәм әдәбияты укытучыларының шәһәр методик берләшмәсе утырышы

9 нчы октябрь көнне шәһәр мәгариф идарәсенең конференцияләр залында татар теле һәм әдәбияты укытучыларының шәһәр методик берләшмәсе утырышы булды. Аның эшендә милли мәгариф өчен җаваплы методистлар, методик берләшмә әгъзалары катнашты. Утырышта 9 нчы сыйныфларда татар теленнән үткәрелгән бердәм республика тесты нәтиҗәләре анализланды. Тест нәтиҗәләре республиканың башка шәһәр һәм район мәктәпләре белән чагыштырылды.Укучыларның белемнәрендәге кимчелекләр ачыкланды. Укытучылар авыл мәктәпләрендә белем алучылар белән шәһәр мәктәпләрендә укучы балаларның татар телен төрле дәрәҗәдә белүен, укырга кергәндә балаларның туган телне бөтенләй дип әйтерлек белмәвен ассызыкладылар. Шәһәр җирлегендә татар телен куллану даирәсенең бик тар булуын күрсәттеләр. Моның исә татар телен өйрәнүгә тискәре мотивация ясавын билгеләделәр.Тестларны төзегәндә бу факторны исәпкә алсыннар иде дигән теләк җиткерелде.
Утырышта укучыларның белемнәрендәге кимчелекләрне бетерү буенча методик киңәшләр бирелде, эш юнәлешләре күрсәтелде.

1 нче октябрь көнне Казан шәһәре Вахитов районының 116 нчы лицеенда “Федераль дәүләт белем стандартлары нигезендә 5-7 нче сыйныфларда татар телен укыту үзенчәлекләре“ дигән темага теоретик семинар үтте. Семинарга рус телендә белем бирә торган мәктәпләрнең татар теле һәм әдәбияты укытучылары чакырылган иде. Семинар эшендә 71 укытучы катнашты.
Семинарны Казан шәһәре мәгариф идарәсе методисты Р.К. Зиннәтуллин ачты. Яр Чаллы социаль-педагогик технологияләр һәм ресурслар институты доценты, педагогика фәннәре кандидаты, “Күңелле татар теле” укыту-методик комплектлар авторы Р.З.Хәйдәрова үз чыгышында федераль дәүләт белем стандартлары нигезендә 5-7 нче сыйныфларда татар телен укыту үзенчәлекләренә тукталды. Ул бу сыйныфлар өчен чыгарылган дәреслекләрнең структурасы белән таныштырды, укытучылар өчен нәшер ителгән методик ярдәмлекне куллану һәм аерым темаларны өйрәнү буенча киңәшләрен бирде. Укыту процессында укучыларның шәхси ихтыяҗларын, теләк-омтылышларын, индивидуаль-психологик үзенчәлекләрен исәпкә алып оештырырга кирәклеген билгеләп үтте. Укыту-методик комплектлар авторы семинарда катнашучыларның күп төрле сорауларына җавап бирде.

2014 нче елның 24 нче апрелендә Идел буе районының 116 нчы лицеенда Казан федераль университеты мәгариф хезмәткәрләренең белемен күтәрү һәм яңадан әзерләү үзәгендә курслар үтүче татар теле укытучылары өчен теоретик-методик семинар уздырылды. Курсларга йөрүчеләрнең күпчелеген Казан шәһәре мәктәпләрендә эшләүче татар теле һәм әдәбияты укытучылары тәшкил итте. Лицейның татар теле укытучысы Габдинова З.Ә. курста белемнәрен камилләштерүчеләргә 2 нче сыйныфта укучы рус телле балалар белән “Ашамлыклар” дигән темага дәрес күрсәтте. Дәресне укытучылар белән бергә ата-аналар да карады. Килгән кунаклар дәреснең методик яктан югары дәрәҗәдә оештырылуын, балаларның программа материалын яхшы үзләштерүләрен билгеләп үттеләр. Укучыларның татарча аралаша алуларына укыту –методик комплектлар авторы, педагогика фәннәре кандидаты Р.З.Хәйдәрова да соклануын белдерде.Ата-аналар да аның фикерләрен куәтләделәр.

Хөрмәтле коллегалар! Республика күләмендә үткәреләчәк бәйгеләрнең кагыйдәнамәсен (положение) урнаштырам.Галимҗан Ибраһимов исемендәге фәнни-гамәли конференция Мәскәү районы 17 нче гимназия базасында узачак. Калган материаллар белән дә танышып чыксагыз иде.

Татар халкының мәдәниятенә, тарихына, гореф-гадәтләренә, туган тел һәм әдәбиятка мәхәббәт тәрбияләү, сәләтле балаларны барлау максатыннан ел саен шәһәребездә “Татар кызы” бәйгесе үткәрелә. Бәйгене Казан шәһәре муниципаль берәмлеге Башкарма комитетының мәгариф идарәсе белән Телләрне үстерү һәм иҗтимагый оешмалар белән үзара бәйләнешләр бүлеге оештыра. Быел бу бәйге 15 мәртәбә уздырылды һәм ул Мәдәният елына багышланган иде. Конкурс башта районнарда үткәрелде, жюри әгъзалары тарафыннан сайлап алынган 7 кыз шәһәр турына узды.
Иң беренче итеп кызларга “Чәй өстәле” әзерләү буенча бирем бирелде. Бу эшне кызлар 26 нчы февраль көнне “Хуҗабикә” ресторанында башкардылар. Конкурсантлар чәй өстәленә төрле милли ризыклар әзерләделәр, матур итеп чәй табынын кордылар. Монда “Никах чәе”, “Кияү чәе”, “Туган көн”, “Милли табын” ны да күрергә мөмкин иде. Кызлар кунак сыйлау осталыкларын да күрсәттеләр.

Укытучы! Мөгаллим! Остаз! Нинди матур, йөрәккә ятышлы, ягымлы сүзләр. Укытучы – кечкенә кешене зур Шәхес иткән олуг зат. Башка бер генә һөнәр белән дә чагыштырып булмый торган хезмәт
Укытучы гомер буе «сәхнәдә», ул укучыларга һәрвакыт йөз белән басып тора. Артист көнгә 1-2 сәгать тамашачыга карап тора, ә син?.. Синең күзең арый, колагың бик сак, тавышың кайчакларда үтә көчле, сиңа чиктән тыш авыр. Ләкин... Авыр чаклар күп буса да, җимеше татлы була.
Кеше күңеле — пыяла, сак булмасаң уала. Укытучы — рамка эченә салынган пыяла ул. Пыяла исә үтә күренмәле, аны бик тә саклыйлар, ватылса, аны ямап булмый. Укытучының дәрәҗәсе дә нәкъ шулай. Ә миңа карап торучы күзләр, алар гөнаһсыз сабыйларның карашлары. Һәм аларны тормышка яраклы итеп тәрбияләү минең бурычым.

Мин башкалабызның 135нче урта белем бирү мәктәбедә балаларга татар теле һәм әдәбияты укытам.Ана телендә аралаша алуны зур бәхет дип саныйм.Дәресләремне кызыклы үткәреп ,фәнемә мәхәббәт һәм ихтирам тәрбияләргә тырышам.