УКЫТУЧЫ!
Тиңләп булмый аны башка хезмәт белән.
Үлчәнми ул минут белән, сәгать белән.
Синең хезмәт айлык түгел, еллык түгел.
Яз төшүгә көз өлгергән орлык түгел.
Хезмәтеңнең нәтиҗәсен күрер өчен
Дистә еллар түгәсең син акыл көчен.

Билгеле булганча, бүген Россиянең мәгариф системасы дөньякүләм таләпләргә җавап бирергә омтыла. Аның төп максатларының берсе булып уку-укытуның укучы шәхесен һәрьяклап үстерүгә, аның иҗади сәләтләрен, мөстәкыйльлеген, инициативасын, үз-үзен оештыра һәм үз юлын таба белүгә юнәлтелгән моделен төзү тора.
Бу модельнең төп кыйммәте - укучының иҗади һәм тәнкыйди фикерләвен, мөстәкыйль эзләнү һәм тикшеренү эшчәнлеге тәҗрибәсе булдыруны төрле яклап үстерү. Бу модель укучыга әзер белемнәрне бирүгә түгел, ә бәлки ул белемнәрне аның үзеннән эзләтеп таптыруга юнәлтелгән. Заман таләпләренә җавап бирерлек укучы үстерү-минем һәм барлык хезмәттәшләремнең бурычы.
Мин, Дәүлиева Нина Павел кызы, Казан шәһәре Киров районы 67 нче мәктәбенең I квалификацион категорияле татар теле һәм әдәбияты укытучысы. Татар теле һәм әдәбияты укытучысы буларак, минем төп максатым- укучыларда татар телен өйрәнүгә теләк булдыру.

Трудный путь педагога и тернист, и широк,
Но звенит гимном к знаниям школьный звонок.
Чтоб зажечь искру знаний, нужно много иметь:
И чутье, и смекалку, и работой гореть.
Через тернии к звездам поведу я детей,
Чтобы в каждом открылось: «Познавай и умей!»

...Именно через тернистый и нелегкий путь проходит педагог, прежде чем достигнет своей звезды – вершины своего труда. А что же является вершиной труда настоящего педагога? К чему нужно стремиться? Задавшись этим вопросом, невольно посмотрел на небо...

Мин Галимуллина Лилия Фәргат кызы Совет районының 159 нчы лицеенда татар теле һәм әдәбияты укытучысы булып эшлим.
Киләчәк. Ул берничә дистә елдан нинди булачак? Хәзерге көнебез үткәнгә, ә үткәнебез ерак тарихка әйләнгән чиктә безне нәрсә көтә? Бу сораулар мәңгелек. Кешеләр гел бу сорауларга җавап эзләгән, киләчәккә күз салган, аны алдан белергә омтылган. Әлбәттә, һәр татар кешесе искиткеч якты, шатлык-куанычлар белән тулы, кайгы-хәсрәтсез, милли татар телле киләчәк көтә.
Заман таләпләре бүгенге көндә татар телен, гомумән туган телләрне укыту процессында зур үзгәреш сорый. Татар теле һәм әдәбияты укытучысы буларак алдыбызда торган бурыч: татар телен саклап калу, укучыларыбыз аша телне, әдәби байлыкларны, гореф-гддәтләребезне киләчәк буынга тапшыру.

 Хөрмәтле хезмәттәшләрем! Минем шәхси сайтларыма рәхим итегез! Сезнең белән аралашуга, тәҗрибә уртаклашуга, файдалы хезмәттәшлеккә өметләнәм. Теләк-тәкъдимнәрегезне, сорауларыгызны языгыз.Аралашып яшик! Татар телебезне саклыйк! Сайтларыма сылтама: https://gulfiya93.wixsite.com/liliyaf, https://nsportal.ru/galimullina-liliya-fargatovna

«Хыялсыз кеше- канатсыз кош» дигән гыйбарәнең дөреслегенә яши-яши ышанасың. Хыяллардан башка тормышны күз алдына да китерүе читен. Бала чагыннан кешене озата килеп, яшәргә көч-дәрман бирүче иң мөкатдәс нәрсә ул хыял.
Хыял тәмен һәр татыган кеше
Су төбендә ятмас таш булып.
Йолдыз булып күккә атылыр ул,
Яшәп калыйм диеп, бер янып.
Мин дә хыялланырга яратам. Нәни вакытта минем тизрәк үсәсем килде. Ә аннары... Айга менәсем, кояшны күрәсем, белем аласым. Хыялларым үзем белән бергә үсә бардылар. Ләкин горурланып әйтә алам – алар берсе дә буш түгел. Укуымны дәвам итү максатыма әверелде дисәм, һич ялгыш булмас. Авыр буласын беләм, әмма сынатмаячакмын, чөнки җәмгыятькә файдалы шәхес буласым килә.
Урау-урау юллар үтсәң генә,
Ни икәнен аның беләсең.
Авырлыклар аша килгән бәхет
Бик кадерле була күрәсең...
Дөрес сайлаган һөнәрем аша үземне камилләштереп, илем өчен игелекле хезмәт итү – менә минем иң тәүге һәм иң зур хыяллым. Юлымдагы каршылыклар мине куркытмый, алда аллы-гөлле офыклар көткәндә, алар кечерәеп кала кебек. Зәңгәр күктә үз йолдызларыңны табу, кабызу үзе зур бәхет булачагына һич икеләнми идем.