https://t.me/kazanobr SMI.KAZANOBR.RU SMI.KAZANOBR.RU

ВМО учителей, преподающих учебные предметы на татарском языке

Яңа программаларның проектлары

Хөрмәтле татар теле һәм әдәбияты укытучылары! Татар теле һәм әдәбиятыннан үрнәк эш программаларының проектлары Татарстан Республикасы мәгариф һәм фән министрлыгы сайтына урнаштырылды. Проект дип куелган, чөнки хәзер РФ Туган телләр институтында экспертиза бара. Экспертиза узып, гомуми белем бирүнең федераль укыту-методик берләшмәсе раслаганнан соң, бу программалар үрнәк төп гомуми белем программалары реестрына (реестр примерных основных общеобразовательных программ) куелачак.
Бу программаларның проектын әлеге сылтама буенча министрлык сайтыннан табарга була.

https://mon.tatarstan.ru/proekti-primernih-rabochih-programm.htm

Укытучыга ярдәмгә

Хөрмәтле коллегалар! Сезнең үтенечегезне исәпкә алып, Казан шәһәре мәгариф хезмәткәрләре йортында 2022 нче елның 5 маенда үткәрелгән семинарда чыгыш ясаган презентацияне урнаштырам. Эшегездә куллана аласыз. Сорауларыгыз булса, миңа мөрәҗәгать итегез.

Бөтенроссия мастер-класс бәйгесе

 Мастер -класс

28-29 нчы мартта Вахитов районының 27 нче гимназиясе базасында туган (рус, татар, чуваш, мари, удмурт, эрзя, мокшы) тел укытучыларының Бөтенроссия мастер-класс бәйгесе үткәрелде. Конкурска Россиянең 11 төбәгеннән туган тел укытучылары килде. Конкурсның читтән торып үткәрелә торган этабында бәйгедә катнашучыларның интернет ресурсларына, методик портфолиоларына бәя бирелде. Гимназиядә алар мастер-класс күрсәттеләр, сыйныфтан тыш эшчәнлекне оештыруга юнәлтелгән проект якладылар.
Конкурста Казан шәһәре Мәскәү районы Г.Ибраһимов исемендәге 17 нче татар гимназиясенең татар теле һәм әдәбияты укытучысы Абдуллина Рамилә Әгъзам кызы Гран прига лаек булды, Казан шәһәре Яңа Савин районы 23 нче лицейның рус теле һәм әдәбияты укытучысы Корбанова Лилия Илдар кызы җиңүче, Яңа Савин районы М.Р.Әхмәтшин исемендәге 113 нче урта гомуми белем мәктәбенең татар теле һәм әдәбияты укытучысы Вәлиева Гөлназ Хәбибрахман кызы һәм Идел буе районы 83 нче лицейның татар теле һәм әдәбияты укытучысы Зарипова-Иманкулова Гөлчирә Рөстәм кызы лауреат булдылар.

Татар теле һәм татар әдәбиятын укыту программалары

Татарстан Республикасы Фәннәр академиясенең Галимҗан Ибраһимов исемендәге Тел, әдәбият һәм сәнгать институты галимнәре тарафыннан башлангыч, төп һәм урта (тулы) гомуми белем мәктәпләрендә татар телен һәм татар әдәбиятын укытуның үрнәк программалары төзелде. Бу программалар 2020 -2021 нче уку елында федераль реестрга кертелде ( Гомуми белем бирү буенча федераль укыту-методик берләшмәсе карарлары: 2020 елның 17 сентябре, 3/20 нче беркетмә); 2021 елның 1 июле, 2/21 нче беркетмә).
Аларны файдалану өчен урнаштырам. Федераль реестрга кертелгән башка программаларны да кулланырга була.

Яңа федераль дәүләт белем стандартлары

2022 нче елның 1 нче сентябреннән башлангыч гомуми белем бирү һәм төп гомуми белем бирүнең федераль дәүләт белем стандартлары гамәлгә керәчәк. Быелгы уку елында аны апробация формасында кайбер гомуми белем бирү оешмалары куллана башлый. Сезгә танышу һәм куллану өчен бу документларны тәкъдим итәм.

Татар теле һәм әдәбияты укытучылары көч сынашты

IMG_3451

26-28 нче гыйнварда «Казан шәһәре ел укытучысы – 2021» шәһәр конкурсының «Татар теле һәм әдәбияты укытучысы» номинациясендә катнашучылар Идел буе районының 16 нчы гимназия базасында үзара көч сынашуларын дәвам итте.

ТАТАР ТЕЛЕ ДӘРЕСЛӘРЕН ҮТКƏРҮ ѲЧЕН МЕТОДИК КҮРСƏТМƏЛƏР

Хөрмәтле коллегалар! Яңа ел алдыннан белем бирү оешмаларына 5 нчы сыйныфлар өчен "Татарча да яхшы бел" уку әсбабы җибәрелде. Уку әсбабының авторы Р.Р.Нигъмәтуллина тарафыннан әзерләнгән методик күрсәтмәләрне тәкъдим итәм. Бу әсбапны башлангыч сыйныфларда Мещерякова В.Н. системасы белән укыткан татар теле укытучылары да куллана алалар.

Недостатки организационного характера в работе с детьми группы риска

К недостаткам организационного характера относятся: запоздалое выявление учащихся, склонных к нарушению морально-правовых норм, поверхностное изучение педагогами индивидуальных особенностей таких школьников и причин нравственной деформации личности, отсутствие продуманного плана работы. Отрицательно влияют и такие факторы, как недостаточная помощь и контроль администрации школы.

Я считаю, что нет детей «плохих» или «хороших». Есть дети, которые не получили воспитания, которым не оказывали должного внимания или которых не поняли взрослые, когда они в этом нуждались.

Төрле фәннәрдән төбәкара олипмпиадалар

Казан федераль университеты 21 фәннән, шул исәптән татар теленнән (9-11 нче сыйныф укучылары өчен), регионара олимпиада уздыра.
Олимпиадаларда катнашу бушлай. Олимпиада ике этапта узырыла.
Сайлап алу этабы, читтән торып уку технологияләрен кулланып, 2020 елның 1ноябреннән 1декабренә кадәр үткәрелә (теркәлү һәм тест узу "Буду студентом" сайтында https://abiturient.kpfu.ru).
Йомгаклау этабы 2021 елның 13 гыйварыннан 8 февраленә кадәр (дистанцион технологияләр кулланып) узачак. Сайлап алу этабында катнашучыларның барысы да катнашулары турында электрон формада сертификатлар алачак.
Сайлап алу этабында җиңүчеләр һәм призерлар (һәр профиль буенча катнашучылар гомуми санының 45 % кадәр) йомгаклау этабына чакырылачак.
КФУның кабул итү комиссиясе карары нигезендә 11 нче сыйныф укучылары арасыннан регионара фән олимпиадасының йомгаклау этабы җиңүчеләре һәм призерлары КФУ га укырга кергәндә БДИ нәтиҗәләренә өстәмә балл алачаклар (җиңүчеләр – 5 балл, призерлар – 3 балл).
Йомгаклау этабы җиңүчеләре һәм призерлары Казан федераль университетының электрон рәвешле дипломнарын, ә аларны әзерләүче укытучылар Казан федераль университеты грамоталары алачак.

Татар теле һәм әдәбияты укытучылары игътибарына!

Татарстан Республикасы мәгариф һәм фән министрлыгы порталында татар теле һәм татар әдәбиятыннан 2020 нче елгы олимпиада биремнәре урнаштырылды (https://mon.tatarstan.ru/деятельность/общее образование/ национальное образование/олимпиада.”
“Методическая копилка” бүлегендә “Мәктәп сәхнәсе. Пьесалар, сценарийлар җыентыгы”, “Патриотическое воспитание” бүлегендә русча үткәрелә торган чаралар сценарийлары бар.
Эшегездә файдалана аласыз.

Дәрес эшкәртмәләре

Татарстан Республикасы мәгариф һәм фән министрлыгы сайтында татар теле һәм әдәбиятыннан дәрес эшкәртмәләре урнаштырылды. Аны түбәндәге сылтама белән табарга мөмкин: https://mon.tatarstan.ru/деятельность/общее образование/национальное образование/методическая копилка/.

Видеоматериалы. Разработки уроков по родному (татарскому) языку и родной (татарской) литературе учителей общеобразовательных организаций РТ
Разработки уроков для русскоязычных подгрупп
Разработки уроков для татарских подгрупп
Разработки уроков для школ с родным языком обучения

Уңышлар сезгә!

Татар теле һәм әдәбияты укытучылары игътибарына!

Хөрмәтле коллегалар!
Татар теленнән татар мәктәпләре, татар төркемнәре өчен төзелгән яңа программалар ФГОС/ реестрының ( https://fgosreestr.ru/ ) “основные образовательные программы в части учебных предметов,курсов, дисциплин (модулей)” бүлегенә кертелгән. Бу программалар гомуми белем бирү буенча федераль укыту-методик берләшмәсе тарафыннан хупланган (17.09.2020 ел, № 3/20). Шулай ук 2017, 2018 нче елларда реестрга кертелгән татар теле һәм татар әдәбияты программалары да гамәлдә кала.

Татар теле һәм татар әдәбиятын укыту программаларының проекты турында

Хөрмәтле коллегалар!
Татарстан Республикасы мәгариф һәм фән министрлыгының порталында татар телен һәм татар әдәбиятын укыту программаларының проекты урнаштырылды (https://mon.tatarstan.ru/деятельность/общее образование/ национальное образование/ рабочие программы по татарскому языку и литературе/. Программалар белән минем блогымда да танышырга мөмкин. Тәкъдимнәрегезне министрлыкның милли мәгариф бүлегенә яки бу адреска җибәрә аласыз raif.2014@mail.ru .

Проблемы и перспективы развития наставничества и тьюторской деятельности в школах с татарским языком обучения Республики Татарст

В российском образовании происходят изменения, которые требуют от методических служб новых, современных, актуальных и востребованных педагогической общественностью подходов к организации работы, способствующей повышению качества и степени адаптивности системы образования к современным требованиям обучения в школах.
В нашем государстве, также происходит реализация направления модернизации образования, которое включает в себя составление для школьников индивидуального учебного плана, способствует внедрению тьюторской системы обучения в сферу общеобразовательных учреждений. 1 сентября 2013 года вступившем в силу ФЗ «Об образовании в РФ», согласно которому гражданин РФ имеет право «на образование в течение всей жизни в соответствии с потребностями личности», особо выделена идея индивидуализации образования, что является основой тьюторства.

Татар теле һәм әдәбияты укытучылары өчен сылтамалар

Хөрмәтле коллегалар! Сезнең игътибарыгызга Татарстан Республикасы мәгариф һәм фән министрлыгының милли мәгариф идарәсе әзерләгән һәм укытучыларга татар телен өйрәткәндә кулланырга мөмкин булган сайтларның сылтамаларын тәкъдим итәм. Шулай ук "Казанский образовательный портал"да урнаштырылган "Дистанционное образование" һәм "Казанские учителя в онлайн" бүлекләрендәге материалларны да кулланырга киңәш итәм.

«Ана теле» онлайн мәктәбе http://anatele.ef.com.
Детская мультимедийная библиотека «Бала рф»: http://бала.рф/
Мәктәп электрон библиотекасы: http://tatarile.tatar/
Татар мәгарифе порталы: http://belem.ru/
Образовательный ресурс: http://tatarschool.ru/
Татар телен өйрәнәбез: https://vk.com/tatarbelem
Әйдә онлайн (татар теленә өйрәнү дәресләре): https://www.azatliq.org/eyde
Базовый курс татарского языка (татар теле баскычлары): https://www.tatartele.com/
Татар телен өйрәнүчеләр өчен сайт: http://tatar.com.ru/index.php
Методические материалы, учебники, словари, переводчики и разговорники. Всё для изучения татарского языка! http://tugan-tel.com/
Гыйлем: https://vk.com/gylem

Дистанцион белем бирүне оештыру

Дистанцион белем бирүне нәтиҗәле оештыру өчен, укытучыга кирәкле беренче әйбер - укучылар белән элемтә. Гамәлдә иң киң таралган элемтә каналы - электрон почта. Аны төп элемтә каналы буларак кулланырга мөмкинлек биргән бөтен нәрсә диярлек файдалана. Укытучыга барлык укучыларның E-mail адресын җыярга һәм шул рәвешле алар белән кирәкле уку мәгълүматын алмашырга кирәк. Электрон почта ярдәмендә укытучы өй эшләрен бирә, аларны фото рәвешендә тикшерергә кабул итә, кирәкле мәгълүматны мөстәкыйль өйрәнүгә җибәрә ала.
Дистанцион белем бирүне оештыру өчен E-mail дан тыш, элемтәнең төп каналы буларак, элемтәнең башка чараларын да кулланырга мөмкин. Мисал өчен, Viber, Whatsapp кебек мессенжерларның мобиль кушымталары. Аларда онлайн-чатын оештырырга мөмкин, анда укучылар төркемен дә өстәргә мөмкин. Месседжерларның төп өстенлеге - укучылар белән оператив элемтә һәм мобильлек. Шулай ук скайп элемтәсенең компьютерда да да, мобиль җайланмада да кулланырга мөмкин булган альтернатив каналын да кулланырга мөмкин.

Татар теле һәм әдәбияты укытучыларына грант бирү турында

Хөрмәтле коллегалар! Сезнең игътибарыгызга Татарстан Республикасы мәгариф һәм фән министрлыгының 2020 елның 6 нчы апрелендә кабул ителгән “Татар теле һәм әдәбиятыннан республика һәм халыкара олимпиадаларда җиңүчеләр, призерлар әзерләгән укытучыларга грант бирү” турындагы 510 нчы боерыгын һәм нигезләмәсен урнаштырам.

Татар телен һәм әдәбиятын дистанцион формада укыту

Татарстан Республикасы мәгариф һәм фән министрлыгы республиканың төрле районнарында эшләүче милли мәгариф өчен җаваплы методистлар катнашында zoom платформасы аша видеоконференция уздырды. Ул татар телен һәм әдәбиятын дистанцион формада укытуга багышланды.
Конференциядә Татарстан Республикасы мәгариф һәм фән министрының беренче урынбасары И.Г.Һадиуллин, министрлыкның милли мәгариф идарәсе башлыгы Л.М. Әхмәтҗанова әлеге проблемага багышлап чыгыш ясадылар.

Цифрлы белем бирү ресурслары

Хөрмәтле коллегалар! Сезнең игътибарыгызга цифрлы белем бирү ресурсларын тәкъдим итәм. Аларны үзегезнең эшегездә һәм балалар белән эшләгәндә куллана аласыз. Әлеге ресурсларның тупланмасын Совет районы милли мәгариф методисты Л.З.Бикмөхәммәтова эшләде.

Татар теле һәм әдәбияты укытучылары көч сынаша

IMG_6653

22-24 нче гыйнварда «Казан шәһәре ел укытучысы – 2018» шәһәр конкурсының «Татар теле һәм әдәбияты укытучысы» номинациясендә катнашучылар Яңа Савин районының 113 нче мәктәп базасында үзара көч сынашуларын дәвам итте. Район бәйгеләрендә җиңү яулаган Һадиева Илгия Илдус кызы (71 нче мәктәп), Халитова Лилия Азат кызы ( 170 нче мәктәп), Әбсаләмова Илмира Хәмит кызы (39 нчы мәктәп), Нәҗипова Эльвина Рифат кызы (27 нче гимназия), Галиева Нурия Минлехан кызы (151 нче мәктәп), Дәүлиева Нина Павел кызы (67 нче мәктәп), Галимуллина Лилия Фәргат кызы ( 159 нчы лицей), Ибраева Ләйсән Рәсих кызы (167 нче мәктәп) Яңа Савин районының 113 нче мәктәп һәм 13 нче гимназия укучылары белән төрле технологияләр кулланып, дәрес күрсәттеләр, дәресләренә үзанализ ясадылар. Һәрбер конкурсант методик семинар үткәрде, мастер-класс уздырды, белем проектын жюри әгъзаларына тәкъдим итте Шулай ук конкурста катнашучыларның шәхси сайты һәм блогы, сайтта яктыртылган эш тәҗрибәсе, “Каршылыклар аша йолдызларга таба” дигән темага язылган эссе жюри тарафыннан бәяләнде.