Китап - бакча, андагы язулар - шул бакчаның гөлләре.
Каюм Насыйри

Гали разыйаллаһу ганһу әйтте: "Берәүнең күңелендә яшерен нәрсә булса, теле төбеннән вә йөзеннән беленәдер", - диде. Кешенең күзенә карап, күңелендәге нәрсәгә игътибар кыйл, диерләр. Дуслык вә дошманлыкка шаһид күз коерыгыдыр. Күз - сөйләшер, серне белерсең. Бер хәкимнән сорадылар. "Кешенең гакыллы икәнен ни - нәрсә белән дәлиллисең?", - диделәр. Хәким әйтте: "Берәүнең гакылын тәҗрибә кыйлган вакытымда сөйләшәмен вә әрепләшәмен. Әгәр сүзендә күбрәк сүзе дөрес булса вә хатасы аз булса, гакыллы дип беләмен", - диде.
Каюм Насыйри "Фәвакиһел җөләсә" . (Төзүчесе, гарәп графикасында сакланган текстларны гамәлдәге язуга күчерүче - Мәсгуд Гайнетдин)