5 нче февральдән 18 февральгә кадәр районда җиңгән татар теле һәм әдәбият укытучылары шәһәр күләмендә үз осталыкларын күрсәттеләр. “Татар теле һәм әдәбият укытучысы” номинациясендә Миндубаева Р.Ф., (Авиатөзелеш районының 14 нче гиназиясе), Хайруллина А.Р., (Яңа Савин районының 71 нче мәктәбе), Исмәгыйлова М.Р., (Идел буе районының 10 нчы мәктәбе), Салихова С.М., (Вахитов районының 39 нчы мәктәбе), Садыйкова Р.Г., (Киров районының 4 нче гиназия-интернаты), Садыйкова Г.С., (Киров районының 3 нче гиназиясе), Ваганова А.И., (Совет райноының 8 нче гимназиясе), Әхтәмова Г.М., (Совет районының 175 нче мәктәбе) катнаштылар. Укытучылар интернетта үзләренең шәхси сайтларында эш тәҗрибәсен,”Үткәнебез белән горурланабыз, киләчәкне төзибез” темасына язылган эссене жюрига тәкъдим иттеләр. Һәр укытучы үзенең педагогик лаборатриясе буенча чыгыш ясады. Сингапур белем бирү структураларын кулланып, федераль дәүләт белем бирү стандартларына туры китереп, дәрес һәм төрле технологияләр кулланып, мастер-класс күрсәттеләр.
Бәйге Киров районының 4 нче гимназия бинасында югары әзерлек белән үтте (директоры Вахитова И.А.).

Татар телендә белем алган IX сыйныф укучылары төп гомуми белем бирү программалары буенча төп дәүләт имтиханы формасында дәүләт йомгаклау аттестациясен туган (татар) телендә үтә ала. Бу хакта ТР Министрлар Кабинетында Татарстан Республикасында 2016 елгы дәүләт йомгаклау аттестациясен уздыру үзенчәлекләренә багышланган матбугат очрашуында ТР Премьер-министры урынбасары — мәгариф һәм фән министры Энгель Фәттахов белдерде.
Сигез предмет буенча төп дәүләт имтиханы үткәрү контроль үлчәү материалларының күрсәтмә вариантлары, быел, татар теленә тәрҗемә ителеп, ТР Мәгариф һәм фән министрлыгының рәсми сайтына эленде.
Туган телдә имтихан тапшырырга мөмкин булган предметлары арасында биология, география, информатика һәм ИКТ, тарих, математика, җәмгыять белеме, физика һәм химия бар. Имтихан нәтиҗәләре урта мәктәпнең профиль сыйныфларына укучыларны кабул иткәндә файдаланыла ала.

Мәгълүмат Мәгариф сайтыннан алынды http://magarif-uku.ru/tatar-telende-belem-algan-ix-syjjnyf-ukuch/, автор Р.Гатина

2014 – 2015 нче уку елында Шәһәр мәгариф идарәсенең мәгълүмати – методик бүлеге җитәкчелегендә иҗади эшләүче укытучылар “Яңа стандартлар: 5 нче сыйныфта дәрес” исемле проект эшләделәр. Проект кысаларында шәһәрнең төрле районыннан 50 укытучы, мәгълүмати – методик бүлек методистлары федераль дәүләт белем бирү стандартлары нигезендә рус теле һәм рус әдәбияты, татар теле һәм татар әдәбияты, инглиз теле, француз теле, немец теле, тарих, китапханә дәресе, математика, биология, география, рәсем, физкультура, хезмәт, җыр дәресләренең технологик картасын һәм дәрес эшкәртмәсен әзерләде. Бу методик кулланма җыентык булып китап нәшриятында басылып чыкты һәм укытучыларның Шәһәр август конференциясендә мәктәп директорларына таратылды.
7 сентябрь көнне мәгълүмати – методик бүлекнең актлар залында проектка нәтиҗә ясалды һәм 50 педагог Шәһәр мәгариф идарәсенең Рәхмәт хатына ия булды.
Мәгълүм булганча, 2015 елның 1 сентябреннән 5 сыйныфлар федераль дәүләт белем бирү стандартлары буенча белем ала башлады. Бу җыентыкны укытучылар дәрескә әзерләнгәндә һәм үткәргәндә өлге итеп куллана алалар.

Уважаемые коллеги!
Юбилейный «Учитель года России-2014» стартует сегодня (26 сентября) в Подмосковье. Татарстан представляет Головенькина Алла Николаевна, учитель биологии из г.Нурлат. 28 сентября она проводит урок биологии в 8 классе. Начало в 12.50.
Вся информация на сайте конкурса https://teacher-of-russia.ru