Хөрмәтле укытучылар.Мин сезне яңа гына ачылган шәхси сайтыма чакырам.Интернет челтәрендәге беренче адымнарым инфоурок порталында блог ачу белән башланган иде.Бүгенге көндә дә алар тәкъдим иткән темага кагылышлы мәкаләләрне беркетеп куям,чөнки анда урын алган язмаларым киң кулланылыш тапкан иде.Ә шәхси сайтым аша татар теленә,милли мираска,тарихка битараф булмаганнарны фикерләшергә,тәҗрибә уртаклашырга чакырам.Сайт киләчәктә тулыланып торыр дигән теләктә калам.
http://belem.ucoz.net/
https://infourok.ru/user/galieva-gulnaz-shamilovna

Эссе " Укытучының да укытучылары була"

“Укытучы – хезмәтләр хезмәте хуҗасы...”
Э.Мөэминова

Кышкы иртә. Ак шәлләренә төренгән юкәләр, матурлыкка сокланып, тын калган. Эшкә ашыккан шәһәр халкына, машина тавышларына да игътибар итмичә, оеп утыралар алар. Киләсе тукталышны көтеп, автобус тәрәзәсеннән карап барганда,шул агачлар яныннан акрын гына атлаучы 78 яшьлек хезмәттәшемне күреп алдым. 60 елдан артык белем биргән остазымның каршына, инде үзләре әни булган, укучылары очрады.Төрле һөнәр ияләрен тәрбияләгән мөгаллим, аларның хөрмәтен сизеп, канәгать елмая, һәркайсына кирәкле сүз таба белә.Ул –УКЫТУЧЫ!