SMI.KAZANOBR.RU Учитель года города Казани-2024

Блог пользователя Шаяхметова Венера Миннебаевна

Шәхси сайтыма рәхим итегез!

Screenshot_2019-09-02-21-10-57-194_com.miui_.gallery

Хөрмәтле хезмәттәшләрем! Мин, Шәяхмәтова Венера Миннебай кызы, Казан шәһәре Идел буе районының "35 нче лицей - "Галактика" укыту-белем бирү үзәге"ндә туган тел (татар теле) һәм әдәбияты укытучысы. Шәхси сайтыма рәхим итегез! Сайтта эш тәҗрибәм, төрле мәгълүматлар, балаларымның уңышлары белән таныша аласыз.Укытучылар, әти-әниләр, укучылар өчен файдалы бүлекләр бар.Тәкъдимнәрегезне, сорауларыгызны яза аласыз. Анда урнаштырылган материаллар сезнең өчен файдалы булыр дип ышанып калам. Сайтыма сылтама: https://nsportal.ru/venera-minnebaevna

Эссе "Киләчәк укытучысы"

IMG_20191218_161711

“Кешене иң бөек дәрәҗәләргә җиткергән
һәм исемнәрен соңгы буыннарга
калдырган кеше - укытучыдыр.”
Ризаэддин Фәхретдин
“Кошлар очар өчен туган кебек, кеше бәхет өчен туган” дигән канатлы сүзләрне еш искә төшерәм мин. Ә бәхетнең асылында ни ята соң? Бу сорауга җавап табу бик тә кыен... Сыйныфымдагы бер укучымның иншасында “Бәхет ул - якын кешеләремнең мине аңлаулары” дигән юллар ята иде. Шул юллар мине уйга калдырды, мин дә үземне аңлауларын телим бит. Хәтерлим әле, үз-үземне белә башлаганнан бирле, мин укытучы булырга теләдем. 5 яшьтә, мәктәпкә барганчы ук, дус кызларымны, күрше-тирә балаларын җыеп, кулыма акбур һәм таяк алып, бик җитди кыяфәт чыгарып, нәрсәдер аңлата идем. Уеннар вакытында оештыручы буларак аерылып тора идем. Үсә торгач, укытучы булу хыялы мине ташламады, ә киресенчә, “Киләчәк укытучысы нинди булырга тиеш икән? Ничек чын укытучы булырга икән? дигән сораулар минем гел уемда йөрде.

Минем эш тәҗрибәм.

 В. жанр

Бәхет түгелмени озак еллар,
Гомерең яшь буынга багышлау,
Илең, халкың белән бергә атлау,
Тормыш барышыннын калышмау.
(Тәкыя Шәрипова)
Укытучы... Әйе, мин бүген укытучы... Бүгенге көндә мин гомеремне яшь буынга - укучыларыма багышлаган укытучы. Әле бит кайчан гына үзем дә Казан дәүләт педегогика университетында белем алып йөри идем, ә борылып карасаң, инде 15 ел сиздерми генә үтеп тә киткән. Яраткан укучыларың, күңелең биреп эшләгән эшең булганда, чыннан да, вакыт узганы сизелми. Хәзер исә мин укытучы исемен горур итеп күтәреп йөрер дәрәҗәгә ирешкән хезмәт иясе! Мин, Шәяхмәтова Венера Миннебай кызы, Казан шәһәре Идел буе районының "35 нче лицей - "Галактика" укыту-белем бирү үзәге"ндә туган тел (татар теле) һәм әдәбияты укытучысы булып эшлим.

Поздравление!

Поздравляю Всех с праздником!!!!Желаю всем-всем всех земных благ и здоровья!Чтоб каждый ваш день приносил Вам только самые позитивные эмоции!!!Чтоб от работы получали самые-самые положительные эмоции!!!Еще раз с праздником Вас, дорогие!!!