Укытучы – олы юл башың,
Күзләреңне ачкан кояшың.

Укытучы! Кем генә олы ихтирам һәм хөрмәт белән искә төшерми икән бу изге сүзне! 20 нче гасырның талантлы шагыйре Мәхмүт ага Хөсәен дә бу сүзгә битараф калмыйча үз карашын, үз фикерен белдергән. Мин дә әлеге юнәлештә хезмәт куюым сәбәпле, үземнең хатирәләремне, истәлекләремне хәтердә яңартам...
Көз... Аяк астында кыштырдаучы яфраклар... Ел фасылының яз шаянлыгы үтеп, эссе җәйдән соң килә торган ниндидер бер матур, әз генә моңсуланып баручы мизгеле...