Татар теле белән кызыксынуым Г.Тукайга багышланган рефератлар конкурсында катнашудан башланган иде. Менә инде 14 ел мин рус балаларына туган телебезнең үзенчәлекләрен аңлатам, халкыбызга, аның мәдәниятенә хөрмәт тәрбияләргә тырышам. Шушы еллар йөземә үз тамгасын салса да, балаларга мәхәббәтне,туган телемә,халкыма хөрмәтне үзгәртә алмады. Мин элеккечә үк,ашкынып, укучыларым янына киләм; үткәргән дәресләремнән, эшләгән эшемнән канәгать калып, сөенеп, өемә - гаиләм янына кайтам. Һаман алга, яңадан-яңа үрләр яуларга омтылам.