“Тел өйрәнүдә сөйләм формулалары һәм сөйләм модельләре ”
Мәгарифебез системасын яңарту процессы югары тизлектә һәм нәтиҗәле бара. Мәгарифтә үзгәрешләр татар теле һәм әдәбияты укытучылары алдына бик тә җаваплы һәм әһәмиятле бурычлар куя. Беренчедән, ана телебезне саклап калу булса, икенчедән, укучыларда телне өйрәнүгә кызыксынуны арттыру, башка милләт балаларында да татар телен өйрәнергә теләк, ихтирам хисләре уяту. Болар укытучыдан зур һөнәри осталык, сабырлык һәм, заман таләп иткәнчә, югары технологияләрдән, мәгълүмати чаралардан хәбәрдар булуны таләп итә.
Белем бирүдә федераль дәүләт стандартлары Концепциясе укыту-тәрбия процессын оештыруны да, эчтәлеген дә принципиаль үзгәртүне таләп итә. Әлеге эшләрне мавыктыргыч һәм файдалы итү төп проблемаларның берсе булып тора.
Мин, Әбсәләмова Илмира Хәмит кызы, Казан шәһәре, Вахитов муниципаль районы инглиз телен тирәнтен өйрәтүче 39 нчы гомуми урта белем бирү оешмасының татар теле һәм татар әдәбиятыннан төп гомуми һәм урта гомуми белем бирү программаларын гамәлгә куючы педагогик хезмәткәр.

Хөрмәтле хезмәттәшләрем! Минем шәхси сайтка рәхим итегез!Анда тупланган материаллар сезнең өчен файдалы һәм кызыклы булыр, дип ышанып калам!Минем сайтымда сез эш тәҗрибәм , минем һәм балаларымның уңышлары белән таныша аласыз. Сайтта әти-әниләр дә,укытучылар да,укучылар да рәхим итеп үз фикерләрен яза алалар. Теләк-тәкъдимнәрегезне, сорауларыгызны языгыз.Көтеп калам!Рәхим итегез!
http://ilmiraabsalyamova.ru